Ұжымның жоспардан тыс Сыбайлас жемқорлыққа қарсы саясаттағы жаңашылдықтары туралы жиналыстың №1 хаттамасы

Жамбыл облысы әкімдігінің білім басқармасы Тараз қаласының 

білім бөлімінің №37 «Бәйтерек» бөбекжай-бақшасы МКҚК

№37 «Бәйтерек» бөбекжай-бақшасы ұжымының жоспардан тыс Сыбайлас жемқорлыққа қарсы саясаттағы жаңашылдықтар 

туралы жиналысының

№1  хаттамасы

01.09.2024 жыл                                                              Тараз қаласы

Қатысқандар: 27 адам

Қатыспағандар: 0

Күн тәртібінде:

1. Сыбайлас жемқорлыққа қарсы саясаттағы жаңашылдықтар туралы жадынамамен ұжымды таныстыру

Тыңдалды: 

Бірінші мәселе бойынша №37 «Бәйтерек» бөбекжай-бақшасының меңгерушісі Л.Е.Кенбаева сөз алып, Сыбайлас жемқорлыққа қарсы саясаттағы жаңашылдықтар туралы жадынамамен таныстырып өтті.

Жадынамада 7 бөлім қарастырылған:

1. Басшылар өз бағыныстылары үшін жауапты. Тәуелсіз қазақстан тарихында ең алғаш рет өз бағыныстылары үшін басшылардың жауапкершілігі заңнамалық деңгейде бекітілді. Яғни, бұдан былай саяси мемлекеттік қызметкерлер өздеріне тікелей бағынысты қызметкерлер сыбайлас жемқорлық қылмыстарын жасаған жағдайда өз еркімен отставкаға кетуге міндетті.
2. Нормативтік құқықтық актілер сараптамадан өтеді. Нормативтік құқықтық актілердің жобаларына сыбайлас жемқорлыққа қарсы сараптама институты енгізілді.
3. Дифференциалдық сыйақы. 

Сыбайлас жемқорлық құқық бұзушылықтар туралы әкімшілік істер бойынша – 30АЕК;

Онша ауыр емес сыбайлас жемқорлық қылмыстар туралы қылмыстық істер бойынша – 40АЕК;

Ауырлыгы орташа сыбайлас жемқорлық қылмыстар туралы қылмыстық істер бойынша – 50 АЕК;

Ауыр сыбайлас жемқорлық қылмыстар туралы қылмыстық істер бойынша – 70 АЕК;

Аса ауыр сыбайлас жемқорлық қылмыстар туралы қылмыстық істер бойынша – 100 АЕК;

Жоғарыда келтірілген сыйақы мөлшерлері сыбайлас жемқорлық орын алған жағдайды дер кезінде хабарлаған адамға беріледі.

1. Сыйлық беруге болмайды. Сыбайлас жемқорлыққа қарсы шектеулерді қабылдаған мемлекеттік қызметшілерге сыйақы берген адамдардың пайдасына жасаған іс-әрекеті немесе лауазымдық жағдайына байланысты оларға қандай да бір ықпал ету өкілеттіліктеріне кіретін болса сыйлықтар, материалдық сыйақы, қызметтер алуға тыйым салынады. Сонымен қатар, олардың отбасы мүшелеріне де сыйлық беруге тыйым салынады. Егер де 2 АЕК дейін сыйлықты берген және алған адам анықталса –әкімшілік жауапкершілікке тартылады (ҚР ӘҚБтҚ 676-678 баптары); ал 2АЕК асатын сыйлықты берген және алған адам анықталса – қылмыстық жауапкершілікке тартылатындығын (ҚР ҚК 366-367 баптары) айтып өтті.
2. Сыбайлас жемқорлыққа жауапты тұлғалар тобы кеңейтілді. Квазимемлеткеттік секторға ұйымда корпоративтік адалдық стандарттарын сақтауға жауапты сыбайлас жемқорлыққа қарсы комплаенс-қызметтер институты енгізіледі.
3. Туыстардың мемлекеттік органдардағы жұмысы. Егер бұрын мемлекеттік қызметшілерге жақын туысының, жұбайының немесе жекжаттарының тікелей бағынысында болуына тыйым салынса, енді мемлекеттік қызметшілердің де тікелей бағынысында аталған туыстары қызмет ете алмайды. Осыған ұқсас тыйым әскери қызметшілер мен құқық қорғау, арнайы мемлекеттік органдардың қызметшілері де белгіленген.
4. Арандату үшін жауапкершілік. Заңмен жедел іздестіріу қызметін немесе сотқа дейінгі тергеп-тексеруді жүзеге асыратын лауазымды тұлғалардың қылмысты жасауға арандатқаны үшін қылмыстық жауапкершілікке тартылатындығын атап өтті.

Қазақстан Республикасының сыбайлас жемқорлыққа қарсы қызметінің Call орталығы 1424 нөмеріне хабарласып айтуға болады. 

Құрметті ұжым! Бәріңізді сыбайлас жемқорлық көріністері үшін жағдай жасамауға шақырамын – деді меңгеруші. 

Бөбекжай-бақша ұжымы айтылған сөздерге қосылып, құптайтынын  айтты.

Шешімі:

1. Сыбайлас жемқорлыққа қарсы саясаттағы жаңашылдықтар туралы жадынамамен бүкіл ұжым құрамы таныстырылсын.
2. Сыбайлас жемқорлыққа қарсы саясаттағы жаңашылдықтар туралы жадынама бөбекжай-бақшаның жұмыс барысында басты назарда ұсталынсын.
3. Жоғарыда аталғандарды бақылауды өзіме қалдырамын.

Хатшы:                                                                     Г.Б.Жумабекова

№37 «Бәйтерек» бөбекжай-бақшасы ұжымының жоспардан тыс Сыбайлас жемқорлыққа қарсы саясаттағы жаңашылдықтар

туралы жиналысқа қатысып, жадынамамен танысқан қызметкерлер тізімі